عاشق جمالك يانبي
ياللي تحب الجمال.
اصل الجمال حبه
في ناس بتهوي
الجمال
وناس يدوب حبه
وناس تعيش الجمال
تقول كمان حبه
وناس بتوهب جمال
حبه ورا. حبه
لكن الصلاة علي النبي
مش ناقصة ولا حبه
عاشق جمالك يانبي
وقلبي علي بابك
قاصد طريقك يانبي
وعزوة احبابك
عاشق نداني الشوق
وزادي شوق علي
شوق
امتي الاماني تروق
والاقيني في رحابك
بحق جاه المصطفي
راجع وانا مشتاق
سيرة نبينا فيها الشفا
وللعليل ترياق
دنيا مهيش بتدوم
بتاخدني يوم ورا يوم
منك انا محروم
انصفني بعتابك
عاشق جمالك يانبي
وقلبي علي بابك
وهاتها جمايل يارب
شاعر الحارة المصرية
صلاح سليمان
ليست هناك تعليقات:
إرسال تعليق