الخميس، 2 يونيو 2022

......... يا ارض مين جففك ..........

 ......... يا ارض مين جففك ..........

وساعات بحس بوجع
وساعات بحس بفرح
لما القلوب تبتدع
بيهدوا الفين صرح
دا الفرحه لو ف الجدع
بيزيد شجرنا الطرح
وزرعت حفنه نوا
والارض بتقول لأ
يا ارض طينك كبر
وشكله بملامحى
قوليلى مين عجزك
وبرضه بتسامحى
مين اللى داس نعمتك
ولسه قلبه ما رق
الرمل ولا الحجر
ولا البشر خاينين
ولا كمال القدر
ما تنطقيش غير لأ
يا ارض مين جففك
وبقيتى مليون شق
مين اللى هان خضرتك
بس انطقى بالحق
الميه ولا القدر
ولا البشر ظالمين
ولا عمود المطر
مرضاش بيوم يندق
يا ارض مين جففك
من الشجر والطين
قوليلي مين عايبك
ومعدش فيكى طحين
دا الملح كال جتتك
ولا البشر نايمين
ولا دا صنع البشر
تبقى الحياه بالزق
يا ارض ياطيبه
يا مأكله غيرك
بتموتى ليه م العطش
ليه تمنعى خيرك
مين اللى منع النوا
بالارض ما ينشق
دا القلب فيكى انفطر
لما مالوكى الغجر
وطيروا طيرك
ومعدش منك رجا
لو حتى قلنا الحق
يا ارض مين يشتريكى
يامخضبه بالدم
اهلك وناسك باعوكى
ومشيلنا الهم
وفاتوكى مليون جدع
متشربين بالحق
والقلب فيكى انشطر
واتشق مليون شق
وانا قلبي فيكى انفطر
وانتى تقولى لأ
يا ارض مين جففك
ومخضبك بالدم
دا ساعات بحس بفرح
وسنين بشيل الهم
........... احمد عامر .............
ننوه ان ماينشر حق مسجل بالهيئات المنوطه بذلك 3101/2021 س م ب
قد تكون صورة ‏‏شخصين‏ و‏تحتوي على النص '‏كلمات احمد عامر يا أرض مين جففك وبقيتى مليون شق مين اللى هان خضرتك بس إنطقى بالحق الميه ولا القدر ولا البشر ظالمین ولا عمود المطر مرضاش بيوم يندق التجم فضل एপ شاكر‏'‏‏
سهم الصحراء و١٢ شخصًا آخر
١٧ تعليقًا
١٢ مشاركة
أعجبني
تعليق
مشاركة
في

ليست هناك تعليقات:

إرسال تعليق

الاشتراك في: تعليقات الرسالة (Atom)

(لا تزال عالقة) بقلم عواطف فاضل الطائي

(لا تزال عالقة) حلقة مفرغة من الخيارت تراوغها بيقينها ان القدر سينظم لهما لقاء وكأن الحياة قد توقفت في تلك اللحظة.. لا تعرف ماذا تفعل هل حقا...