مايكُنش صَدَقَة ______________

 مايكُنش صَدَقَة

______________

نفسي لما باقول بحبك

تصدقيني

يبقى حبي جوه قلبك

بيواسيني

لو بعدت عنك اتوه

تندهي وتقولي هاتوه

وتقولي لهم أسالوه

عن الحب... وعرفيني

________

نفسي تبقى معايا صادقة

زي مع نفسك تمام

ونبضك مايكنش صَدَقَة

ف الهوى ولا الغرام

صَدّك قاتل للي فينا

سهّرنا وتاعب عينينا

والعوازل جايه علينا

ف الحقيقة وف الاحلام

__________

حبيبتي أنا شايف ف عينيكِ .

دموع بتقولي ماتمشيش

بتقولي وحياة عينيك ......

الهجر مابيرحمنيش

وبراجع نفسي وانا ماشي

وببكي وانتي مدرياشي

ياما نَدَهت عليكي حياتي

وسمعتيني ولا سألتيش

___________

انت عمري وروحي وقلبي

وكل شئ حلو ف حياتي

انت نسمة صافيه ياحبي

انت أنا والهنا لذاتي

فى بعدك بكون ف عذاب

بانسى نفسي و الصحاب

ولا يبقالي الا الصعاب

وأفضل تايه ويا آهاتي

__________

بقلم الشاعر /رمضان عبدالله أحمد

عرض الرؤى

معدل وصول المنشور: ٣١

٣فريال ابراهيم العطيوي، فهدالصحراء الجرئ وشخص آخر

تعليقان

أعجبني

تعليق

إرسال