هربانة
هربانة من ايه
خايفة وفزعانة ليه
بتبصي وراكي ليه
وانت مروحه على فين
طريقك كله سراب
مليان بغيوم وضباب
مالوش قرار
الهروب مش وسيلة
خلي ارادتك قوية
متينة وصلبه شويه
واجهي اللي مخوفك
واتحديه بقوة واصرار
خليه يحسبلك الف حساب
ويهاب من قوتك ويخاف
وارجعي لمكانك بسلام
احسن من هروبك للمجهول
طريقك طويل مالوش نهاية
وماتعرفيش هايوديكي فين
اسمعي مني وماتخافيش
ثقي بالله وماتهربيش
هاينصرك نصرة قوية
وتخلصي من عدوك تمام
وتعيشي بسلام وأمان
وتنسي الحكايه دية
عارف البديوي
ليست هناك تعليقات:
إرسال تعليق