ساعى البريد ****

 ساعى البريد ****

ماشى زين

سلسبيل

راسم العمر

شويه آمال

وشويه رتوش

بتضحك وسط

الوشوش

ساعى البريد

بين الوعد

والود عايش برئ

اول ماينزل

القرية البعيدة

يجرو عليه الأطفال

صوتهم تسمعه السماء

والامهات رافعه

يدها بالدعاء

والخبر مرسال شوق

ساعه يضحك

ساعه يبكى

من نظره العيون

يقف ساعى البريد

فى نص الطريق

الكل مستنى الأخبار

فى رحاب العمر

الصوت العالى مسموع

تعال يا ابو احمد

رساله ابنك احمد

واقف أسد على

الحدود بيبشرك

هيرجع ببشاير النصر

تعالى يا عزيزة

رساله من

ابو عيالك

هو مريض

ولسه بيكافح لأجل

لقمه شريفه

وشويه فلوس

لأجل العيال

والدروس

تعال يا ابو مرزوق

رساله من أبنك

مرزوق بيقولك

خلاص يا ابويه

تممت حق الديون

وهتعمل فرح

ليه علشان خلاص

هتجوز حبيبتى سنية

خلص ساعى البريد

الرسايل ورجع

من جديد يسافر

بين الأيام يعافر

يوزع شوية

حب وبشاير

بقلم الأديبة سميرة عبد العزيز

عرض الرؤى

معدل وصول المنشور: ٢٨

١١

تعليق واحد

أعجبني

تعليق

تعليق واحد

كل التعليقات



• نشط

  ارق ملاك

  مسؤول