( يـا مــرايتي )
يامرآيتي دآري شيب شعري وخبي تجاعيد وشي
ليه بتفكريني بعمري اللي راح مني من بدري
وليه تفكريني باللي جاي بسرعه راح يمشي
ليه تخليني ابكي وأندم علي عمري وشبابي
واتحسر ع اللي راح ومالحقتوش من أيامي
ياريتك يامرايتي تكدبي عليا وتجامليني
وتوهميني بالعمر لسه بدري وتفرحيني
داري عني كل الشيب حتي لو ح تغشيني
انا لسه قلبي مليان حب وحنيه وجوايا حكايات
وعن الهوي وظلم الدنيا ليا كتير روايات
كتبت وحكيت عنها يادوب شويه
عن عمر فات
اصل انا حبيت وهويت وغرقت في بحر الحنان
ولسه فيه ليالي كتيره حلوه رسمتها من زمان
يشاغلني حبيبي واشاغله ويوحشني يجيني أوام
طال انتظاري وسنين مستنيه علي نار أنا والغرام
ويادوب عيشت معاه كام سنه كلها احلام
ومن حلاوة السنين عدوا علينا يادوب ايام
ياعمر طوول بينا علي قد ماتقدر وماتنساش
جوانا اشواق وحنين كتيره لسه ماعشنهاش
بيني وبين حبيبي حب فوق ماتتصور ومن بعض ماشبعناش
ليه الأيام الحلوه بين الحبايب بتعدي اوام وبيها مابندراش
خواطر ( اشرف الدغيدي )
حقوق النشر محفوظة
ليست هناك تعليقات:
إرسال تعليق