ستر ربنا بقلم \ عماد الأبنودي *****************

 ♡ ستر •• ربنا ♡

بقلم /عماد الأبنودي

******************

عااااايشين ب ستر ربنا

و في كرمه بس متعشمين

و إن زاد الهم علي همنا

راميين الشيله و متوكلين

مين بات ليله م غير عشا

إلا و كان من الضعفنين

دايره سواقي الكون تعب

عماله تفرم في الشقيانين

سعادة القلوب دي قناعتها

بالرضا و الحب مطمئنين

لساه شراع المركب بيعافر

و ما قالش للموج تعبانين

وارد تصادف الحزن محطة

و يرميك جريح للسنين

و يحفر جواك بير كسرة

و العمق ينضح دايما أنين

صندوق الذكري أهو معبي

ضحكه بريئه بنت يومين

مولوده جوه القلب ترقص

و تسبح في بحر الحنين

مانيش غاوي أبداً وجع

و تبقي عيوووني مدمعين

بسايس دنيتي بالخداع

و أقولها كتير متشكرين

ماطمعتش فيكي ساعة صفا

و تحني لو بنظرة عين

ملعون غرور أبوكي الغادر

اللي يكسر في الغاليين

بقلم

عماااد الأبنودي

27 / 6/ 2021

عرض الرؤى

معدل وصول المنشور: ٣٩

١١