اشواق السنين ****************م بدوى أبو العلا

 اشواق السنين

*************

هو راح فين الحنين

اللى كنت بتحكى عنه

طب وأشواق السنين

نشفت ودبلت قبل منه

والورده اللى ساكنه ع الجبين

ومنوره ف عينيه وننه

والوعد اللى عدى من يومين

عدى وكأنه

ف الشمس سراب لدمعتين

وأه مخنوقه جوه منه

ساكنه ف القلب الحزين

بتحرق وتكوى جوه جفنه

والوعد اللى كان من كلمتين

تاه عن باله ميعرفش انه

يتعلق ف رقبته ويبقى دين

وغصب عنه لازم يسده

زى كفارة اليمين

مين قاله يوعد غصب عنه

وايه خلاه يحلف يمين

دين عليه ويعجز يسده

ويعمل كده فيه الحنين؟

ايوا يعمل قوله ليه إتبرى منه

رغم شوقه وليد سنين

ليه باع القلب اللى سكنه

ويهون عليه دمع العينين

والنبض يصرخ جوه منه

أه من الشوق والحنين

اللى دابت جوه منه

م/محمد بدوى أبوالعلا

عرض الرؤى

معدل وصول المنشور: ٢٣

٢فهدالصحراء الجرئ وشخص آخر

٧ تعليقات

أعجبني

تعليق